၂၀၁၁ ခုနှစ် မတ်လ ၂၅ ရက်နေ့ နံနက် ၁၀ နာရီ ၁၀ မိနစ်အချိန် ၀န်းကျင်ခန့်တွင် ရန်ကုန်မြို့ ကျောက်တံတားမြို့နယ် ပန်းဆိုးတန်း ဒလဆိပ်ကမ်းအနီး ကမ်းနားလမ်းမပေါ်တွင် သစ်လုံးတင်ယာဉ် အပါအ၀င် ယာဉ်လေးစီးဆင့် ယာဉ်တိုက်မှုတစ်ခု ဖြစ် ပွားခဲ့ကြောင်း သိရသည်။
ဖြစ်စဉ်မှာ နံနက် ၁၀ နာရီ ၁၀ မိနစ်ဝန်းကျင် အချိန်ခန့်တွင် ဗိုလ်အောင်ကျော်လမ်းဘက်မှ မောင်းနှင်လာသော သစ်လုံးတင်ယာဉ်မှာ အရှိန်မထိန်းဘဲ ပန်းဆိုးတန်းကမ်းနားလမ်း မီးပွိုင့်တွင် ရပ်ထားသော အိမ်းစီးကားတစ်စီးကို တိုက်မိရာမှ လေးစီးဆင့် ယာဉ်တိုက်မှု ဖြစ်ပွားခဲ့ခြင်း ဖြစ်ကြောင်း သိရသည်။
''မီးပွိုင့်မှာ ကားတွေရပ်ထားတုန်း သစ်လုံးကားကြီးက အရှိန်မထိန်းနိုင်ဘဲ နစ်ဆန်းဆလွန်းကားကို ၀င်တိုက်မိတာ။ ကားက အရှေ့က ဒိုင်နာကို ၀င်တိုက်မိတယ်။ ပြီးတော့ အဲဒီကားရဲ့ ရှေ့က ဟိုင်းလတ်ကားကိုပါ
တစ်ဆင့်ထပ်တိုက်မိတာ။ ကားလေးစီးမှာ နီဆန်းစလွန်းကားကတော့ အပျက်အစီး အများဆုံးပါပဲ။ လူတွေတော့ ထိခိုက်ဒဏ်ရာ ရရှိမှု မရှိခဲ့ဘူး''ဟု အဆိုပါဖြစ်စဉ် အနီးရှိ မျက်မြင်တစ်ဦးက ပြောပါသည်။
0 Comments:
Post a Comment