ဘက်မလိုက်ဘူးဆိုတဲ့ ကုလ အထူးကိုယ်စားလှယ်

ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Tomas Ojea Quintana ရန်ကုန်လေဆိပ်မှာ သတင်းစာရှင်းလင်းပွဲပြုလုပ်စဉ် (ဓာတ်ပုံ-ဗွီအိုအေမြန်မာပိုင်း)


28.08.2013

ဒီတပတ် မြန်မာ့အရေး သုံးသပ်ချက်အစီအစဉ်မှာ မြန်မာနိုင်ငံသွားရောက်ခဲ့တဲ့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် သောမတ်စ် အိုဟေး ကင်တားနား (Thomas Ojae Quintana) နဲ့ သူ့ခရီးစဉ်အတွင်း ကြုံတွေ့ခဲ့ရတာတွေနဲ့ ပတ်သက်လို့ ဦးကျော်ဇံသာ က ဆက်သွယ်မေးမြန်း ဆွေးနွေးတင်ပြထားပါတယ်။

ဦးကျော်ဇံသာ ။ ။ ပါမောက္ခ ကင်တားနား ခင်များ ... ဒီတကြိမ် မြန်မာပြည်ကိုသွားတုန်းက ပါမောက္ခ ကင်တားနားဟာ ဆန့်ကျင်ဆန္ဒပြသူတွေနဲ့ နှစ်နေရာမှာ ရင်ဆိုင်ကြုံတွေ့ခဲ့ရတယ်လို့ သိရပါတယ်။ အဲဒီဖြစ်စဉ်ကို အကျဉ်းရုံးလေး ပြောပါအုံးခင်မျာ။

ကင်တားနား ။ ။ ရခိုင်ပြည်နယ်ကို ရောက်တုန်းက ကျနော် အောင်မင်္ဂလာရပ်ကွက်က လူတွေနဲ့ တွေ့ဆုံစကားပြောခဲ့ပါတယ်။ နောက် ဘူးသီးတောင်အကျဉ်းထောင်ကို သွားပြီးတော့ မတရားအဖမ်းဆီးခံထားရတဲ့ နိုင်ငံတကာစာနာမှုအဖွဲ့အစည်း ဝန်ထမ်း (၄) ဦးကို တွေ့ဆုံပါတယ်။ ကျနော်ဟာ ရခိုင်ဒေသ အာဏာပိုင်တွေနဲ့ တွေ့ဆုံပါတယ်။ ဘုန်းကြီးကျောင်းတွေကိုလည်း သွားပါတယ်။ စစ်တွေက ဘုန်းကြီးကျောင်းမှာ သံဃာတော်တွေနဲ့ ကောင်းကောင်းမွန်မွန် စကားပြောဆိုခဲ့ပါတယ်။ ဒါတွေပါပဲ။ အဲဒီမှာ ကျနော် ဆောင်ရွက်မှုတွေနဲ့ ပတ်သက်ပြီးတော့ ငြိမ်းငြိမ်းချမ်းချမ်း ဆန္ဒပြမှုတခုလည်း ကြုံခဲ့ရပါတယ်။ ဒီဆန္ဒပြတဲ့ တစ်နေရာမှာ ကျနော် ရပ်ပြီးတော့ ဆန္ဒပြသူတွေထဲက တစ်ဦးနဲ့ စကားပြောပြီး အမြင်ချင်းဖလှယ်ခဲ့ပါတယ်။ ကျနော့် တာဝန်ထမ်းဆောင်မှုတွေကို သူတို့ ဘာကြောင့် ဒီလိုမျိုးဆန့်ကျင်ရတယ်ဆိုတာကို ကျနော် ကြားခဲ့ရပါတယ်။ သူတို့ရဲ့  ခံစားချက်တွေကို ကောင်းကောင်းနားလည်းခံစားသိရှိခွင့် ရခဲ့ပါတယ်။

ဦးကျော်ဇံသာ ။ ။ မိတ္ထီလာမှာ ကြုံတွေ့ခဲ့ရတာကိုလည်း ပြောပါအုံး။

ကင်တားနား ။ ။ မိတ္ထီလာမှာကြတော့ လုံးဝ တခြားစီပါ။ ကျနော်ဟာ မိတ္ထီလာက အဓိကရုဏ်းကြောင့် အိမ်ယာစွန့်ခွါခဲ့ရသူတွေ ခိုလှုံနေတဲ့ စခန်းတစ်ခုကိုသွားဖို့ စီစဉ်ပါတယ်။ အဲဒီ အစီအစဉ်အတွက် အစောပိုင်းကတည်းက အစိုးရနဲ့ ညှိနှိုင်းထားပြီးသာပါ။ ဒါနဲ့ ကျနော် မိတ္ထီလာကို ည (၁၀) နာရီလောက် ရောက်သွားတော့ လူ (၂၀၀) လောက်ရှိတဲ့ ဆန္ဒပြလူအုပ်ဟာ ကျနော့်ကားကို ဝိုင်းအုံပြီးတော့ ကားမှန်တွေ၊ တံခါးတွေကို ထုထောင်းကြပါတယ်။ အော်ဟစ်ဆဲဆိုကြပါတယ်။ ကားတန်းလည်း ရပ်သွားပါတယ်။ ဘာကြောင့် ဒီလိုရပ်သွားတယ်ဆိုတာ ကျနော် မသိပါဘူး။ နောက်ဆုံးမှာ ကံအားလျော်စွာ ကားတန်းဆက်ပြီးရွေ့ ပါတယ်။ အဲဒီအခါမှာ ရဲတွေ တစ်ယောက်စ၊ နှစ်ယောက်စ ရှိနေပါတယ်။ ဒါပေမဲ့ သူတို့ဝင်ရောက် ဟန့်တားခြင်း မရှိကြပါဘူး။ ဒါကြောင့် ကျနော်လည်း အိမ်ယာစွန့်ပြီး ခိုလှုံနေကြသူတွေ စခန်းကို ကျနော်မသွားတော့ဘဲနဲ့ နေပြည်တော်ကို တန်းပြီးသွားခဲ့ရပါတယ်။

ဦးကျော်ဇံသာ ။ ။ အဲဒီ လူအုပ်ဟာ တကယ်တော့ စာတစ်စောင်ကို မစ္စတာကင်တားနားဆီကို လက်ရောက်ပေးချင်လို့ ကားတံခါးကို ဖွင့်ခိုင်းတာ၊ ပြတင်းကို ချခိုင်းတာလို့ ပြောတာကြားရပါတယ်။

ကင်တားနား ။ ။ ကျနော်ကတော့ အဲဒါနဲ့ ပတ်သက်ပြီးတော့ ဘာမှမပြောနိုင်ပါဘူး။ ဘာတွေဖြစ်ပျက်ခဲ့တယ်ဆိုတဲ့ အချက်အလက်ကိုပဲ ဖော်ပြနိုင်ပါတယ်။ ဒီလိုမျိုး အကြမ်းဖက်မှုမျိုး ကြုံရတာက တခြားကုလသမဂ္ဂ ဝန်ထမ်းတချို့ နဲ့ နိုင်ငံတကာဝန်ထမ်းတချို့ နဲ့ မြန်မာနိုင်ငံဆိုင်ရာ ကုလသမဂ္ဂ ညှိနှိုင်းဆောင်ရေးမှူးတို့လည်း ကြုံရပါတယ်။ မြန်မာနိုင်ငံဆိုင်ရာ ကုလသမဂ္ဂဌာနေ ကိုယ်စားလှယ်လည်း အလားတူ ကြုံရပါတယ်။ နေပြည်တော်မှာရှိတဲ့ ရဲတပ်ဖွဲ့အကြီးအကဲကိုတွေ့တော့ သူက ဒီဖြစ်ရပ်အတွက် စိတ်မကောင်းဖြစ်ကြောင်း ပြောပါတယ်။ ကျနော်ကတော့ ရန်ကုန်လေဆိပ်မှာ ကျနော့်လုံခြုံရေးအတွက် အာမခံချက်ပေးဖို့ ပြောပါတယ်။ ကျနော် အဲဒီရောက်သွားတော့ ရဲတွေပြည့်နှက်နေပြီးတော့ ရန်ကုန်တိုင်း ရဲတပ်ဖွဲ့အကြီးအကဲတောင်မှ ရောက်နေပါတယ်။ ဒီလိုမျိုး ရန်ကုန်လေဆိပ်မှာ ဆောင်ရွက်တာကို ကျေနပ်ပါတယ်။ ဒါပေမဲ့ မိတ္ထီလာဖြစ်ရပ်ကတော့ ဒီလို မဟုတ်ခဲ့ပါဘူး။

ဦးကျော်ဇံသာ ။ ။ ဒီဖြစ်ပျက်ခဲ့တဲ့ကိစ္စအတွက် မစ္စတာကင်တားနား ကိုယ်စားပြုတဲ့ ကုလသမဂ္ဂအနေနဲ့ မြန်မာနိုင်ငံအစိုးရအပေါ် တစုံတရာ အရေးယူဆောင်ရွက်ဖို့ ရှိပါသလား။

ကင်တားနား ။ ။ မရှိပါဘူး။ ဒါဟာ ကျနော့်အနေနဲ့ နိုင်ငံခြားရေးဌာန၊ ရဲချုပ်တို့နဲ့ ဆွေးနွေးတင်ပြခဲ့ခြင်းသာ ဖြစ်ပါတယ်။ အခြေအနေကို ရှင်းပြတင်ပြခဲ့ပြီးပါပြီ။ ကျနော် မျှော်လင့်တာက ဒါဟာ အစိုးရအနေနဲ့ နားလည်းသဘောပေါက်ရမယ်။ ကုလသမဂ္ဂ သံတမန်တွေကို သူတို့ အကာအကွယ်ပေးဖို့ လိုတယ်ဆိုတာတွေကို သိထားရပါလိမ့်မယ်ဆိုတာပါ။ နောင်ကို ဒီပြဿနာမျိုး မဖြစ်လောက်တော့ဘူးလို့လည်း ထင်ပါတယ်။ မီဒီယာတွေအနေနဲ့လည်း ဒီဖြစ်ရပ်တစ်ခုကို ကွက်ပြီးတော့ မကြည့်ကြစေချင်ပါဘူး။ ဒီတကြိမ် ကျနော်ဟာ ဆယ်ရက်ကျော် ရောက်ခဲ့တာပါ။ နေရာအများအပြားကို သွားပြီးတော့ လူ့အခွင့်အရေးပြဿနာ အများအပြားကို ဖြေရှင်းပေးခဲ့ပါတယ်။

ဦးကျော်ဇံသာ ။ ။ ဆိုတော့ ထပ်မေးချင်ပါသေးတယ်။ ကုလသမဂ္ဂအနေနဲ့ ဒီကိစ္စကို အရေးယူဆောင်ရွက်စရာ ရှိလို့ပေါ့ဗျာ။

ကင်တားနား ။ ။ နောက်တကြိမ် ထပ်ပြီးတော့ ပြောပါအုံးမယ်။ စောစောက ပြောခဲ့သလိုပါပဲ ဒီကိစ္စကို ကျနော်ကိုယ်တိုင် မြန်မာအစိုးရနဲ့ ဆွေးနွေးခဲ့ပြီးပါပြီ။ ဒီမှာတင် ရပ်ထားလိုက်မှာပါ။ အစိုးရဟာ ကျနော်ကို အကာအကွယ်ပေးဖို့ တာဝန်ရှိပါတယ်။ ကျနော် မြန်မာနိုင်ငံကို နောက်တကြိမ် ပြန်လာတဲ့အခါ ဒါမျိုးထပ်မဖြစ်တော့ဘူးလို့ မျှော်လင့်ပါတယ်။

ဦးကျော်ဇံသာ ။ ။ အခုနက ပါမောက္ခကင်တားနား ပြောတဲ့အထဲမှာ ဘူးသီးတောင်ထောင်ကို ရောက်ခဲ့တယ်။ အဲဒီမှာ မတရားဖမ်းဆီးခံထားရတဲ့ လူ (၄) ယောက်ကို တွေ့တယ်လို့ ဆိုပါတယ်။ ဆိုတော့ မတရားဖမ်းဆီးခံရတယ်လို့ ပါမောက္ခကင်တားနား ဘာကြောင့် ပြောနိုင်ပါသလဲ။ တကယ်တော့ တရားသလား၊ မတရားသလားဆိုတာက တရားရုံးက ဥပဒေအတိုင်း ဆုံးဖြတ်ရမယ့် ကိစ္စမဟုတ်ဘူးလား။

ကင်တားနား ။ ။ (၄) ဦးပါ။ နိုင်ငံတကာ NGO မှာ နှစ်နဲ့ချီပြီးတော့ လုပ်နေတဲ့ ဝန်ထမ်း (၄) ယောက်ပါ။ အခုလပိုင်းကြမှ ဝင်လုပ်နေတဲ့ လူတွေ မဟုတ်ပါဘူး။ သူတို့ကို ဘူးသီးတောင်ထောင်မှာ ဖမ်းဆီးထားတာဟာ နိုင်ထက်စီးနှင်း ဖမ်းဆီးထားခြင်း ဖြစ်တယ်လို့ ပြောရတာ အကြောင်း (၂) ရပ် ရှိပါတယ်။ ပထမတရပ်ကတော့ တရားဥပဒေနဲ့ မကိုက်ညီတာတွေ အများအပြား တွေ့ရပါတယ်။ ဥပမာ ဥပဒေအကြောင်းအရ ရှေ့ နေများနဲ့ ခုခံချေပခွင့် မရှိတာ။ သက်သေတွေကို ပြန်လည်စစ်မေးခွင့် မရတာ။ ဒါတွေအပြင် ပြီးခဲ့တဲ့နှစ် အကြမ်းဖက်မှုတွေအပြီး နှစ်လမှာ ညှဉ်းပမ်းနှိပ်စက်ခံခဲ့ရတာတွေ ဖြစ်ပါတယ်။ ဒုတိယအကြောင်းရပ်ကတော့ တကယ်မဖြစ်ပျက်ခဲ့တဲ့ ကိစ္စအတွက် သူတို့ စွဲဆိုခံရတဲ့ကိစ္စပဲ ဖြစ်ပါတယ်။ ဒါကြောင့်မို့ သူတို့တတွေကို အမြန်ဆုံး လွှတ်ပေးဖို့ အစိုးရကို ကျနော် ထောက်ခံတင်ပြခဲ့ပါတယ်။

ဦးကျော်ဇံသာ ။ ။ သူတို့ကို အခု ပြစ်ဒဏ်ချမှတ်ပြီးပြီလား။

ကင်တားနား ။ ။ မချမှတ်သေးပါဘူး။

ဦးကျော်ဇံသာ ။ ။ သူတို့ဟာ မြန်မာနိုင်ငံသားတွေ ဟုတ်ပါသလား။

ကင်တားနား ။ ။ဒါကိုတော့ ကျနော် မသိပါဘူး။ ဒါပေမဲ့ ဒါကအရေးမကြီးပါဘူး။ နိုင်ငံသားဟုတ်ဟုတ်မဟုတ်ဟုတ် သူတို့ဟာ တရားမျှတမှုကို ခံစားထိုက်ပါတယ်။ အခြေအမြစ်ရှိတဲ့ ကိစ္စတွေအတွက်သာ စွဲဆိုခံထိုက်ပါတယ်။ အခြေအမြစ် မရှိတဲ့ကိစ္စတွေအတွက် တရားစွဲဆိုခြင်း မရှိသင့်ပါဘူး။

ဦးကျော်ဇံသာ ။ ။ ဒါတွေကတော့ အာဏာပိုင်တွေနဲ့ ပတ်သက်တဲ့အပိုင်းလို့ ဆိုပါတော့။ အခုဆက်မေးချင်တာကတော့ အရပ်သားတွေနဲ့ ပတ်သက်တယ်လို့ ဆိုရပါလိမ့်မယ်။ မိတ္ထီလာမှာ ဆန္ဒပြကြတာဟာ အရပ်သားတွေကိုယ်၌က သိပ်ပြီးသဘောထား တင်းမာနေကြလို့လား။ ဒါမှမဟုတ် တချို့ ပြောနေကြသလို အစိတ်အပိုင်းတခုခုက ဒီလူတွေကို အားပေးအားမြောက်လုပ်နေလို့လားဆိုတာ ပါမောက္ခကင်တားနား ဘယ်လို သဘောပေါက်ခဲ့ရပါသလဲ။ ဘယ်လို နားလည်းခဲ့ရပါသလဲ။

ကင်တားနား ။ ။ ဒါကိုတော့ ကျနော် မပြောနိုင်ပါဘူး။ ဒါကို ပြောလို့ရှိရင် သိပ်ပြီးတာဝန်မဲ့ ပြောရာကြပါလိမ့်မယ်။ ကျနော်မှာ အထောက်အထား အခိုင်အလုံလည်း မရှိပါဘူး။ ဒါဟာ အဓိက ပြဿနာလည်း မဟုတ်ပါဘူး။ အဲဒီမြို့ က လူ့အဖွဲ့အစည်း ကျနော့်ကို လက်သင့်ခံနိုင်မခံနိုင်ဆိုတာလည်း အရေးမကြီးပါဘူး။ ဒီဒေသမှာ ဘာကြောင့် ဘာသာရေးအုပ်စုအချင်းချင်း အကြမ်းဖက်မှုဖြစ်သလဲ။ ဘယ်လိုကြောင့် ဒီပြဿနာဟာ အသက်အိုအိမ်တွေ ပျက်စီးပြီးတော့ ဆုံးရှုံးစေခဲ့တယ်ဆိုတာတွေသာ အရေးကြီးပါတယ်။ ဒီလို ဖြစ်စေခဲ့တဲ့ လှုံဆော်မှုတွေ၊ မုန်းတီးမှုတွေကို ကျော်လွှားနိုင်ရေးဟာ မြန်မာလူ့အဖွဲ့အစည်းအတွက် စိမ်ခေါ်မှု ဖြစ်နေပါတယ်။ ဒါဟာ အရေးကြီးဆုံး ပြဿနာပါ။

ဦးကျော်ဇံသာ ။ ။ မကြာသေးခင်က ဆိုပါတော့။ ကန့်ဘလူမှာ ထပ်ပြီးတော့ ဘာသာရေး အခြေခံတဲ့ အကြမ်းဖက်မှုတွေ ဖြစ်တယ်ဆိုတာ ပါမောက္ခကင်တားနား သိပါသလားခင်များ။

ကင်တားနား ။ ။ ကျနော် မြန်မာနိုင်ငံက ပြန်ထွက်လာပြီးတော့ မကြာခင်မှာပဲ ကျန်တချို့ ဒေသတွေမှာ အလားတူ အကြမ်းဖက်မှုဖြစ်ရပ်တွေ ပေါ်ပေါက်တာကို ကြားရပါတယ်။ ကျနော် လုံးဝမထိမတွေ့ခဲ့ရတဲ့ ဖြစ်ရပ်တွေပါ။ ဒါဟာ အောက်ခြေအဆင့်မှာရှိနေတဲ့ ပြင်းထန်တဲ့ ပြဿနာပါ။ ဒီအတွက် တာဝန်ရှိမှုအဆင့်ဆင့်ကိုလည်း တွေ့ရပါတယ်။ ပထမဦးဆုံးကတော့ အစိုးရအနေနဲ့ တာဝန်မကင်းပါဘူး။ အစိုးရက ဒီပြဿနာတွေကို ဘယ်လိုကိုင်တွယ်သလဲ။ တရားဥပဒေ စိုးမိုးရေးကို ဘယ်လိုအထိ အကောင်အထည် ဖော်နိုင်မလဲဆိုတာတွေပါ။ နောက်တဆင့် တာဝန်မကင်းသူတွေကတော့ ဘာသာရေးခေါင်းဆောင်တွေ ဖြစ်ပါတယ်။ ငြိမ်းချမ်းစွာ အတူယှဉ်တွဲနေထိုင်ရေးတရား ဟောသင့်ပါတယ်။ နောက်တဆင့် တာဝန်ရှိသူတွေကတော့ မီဒီယာတွေ ဖြစ်ပါတယ်။ တကယ့်အဖြစ်အပျက်မှန်တွေ ဘယ်လိုမျိုး အဓိပ္ပါယ်ဖွင့်ဆို တင်ပြကြသလဲ။ အမှန်တရားကို ဘယ်လောက်ထင်ဟပ်နိုင်သလဲ ဆိုတာတွေပါ။ ဒါတွေဟာ သိပ်ကိုအရေးကြီးပါတယ်။

ဦးကျော်ဇံသာ ။ ။ ဝေဖန်သူတချို့ က ပြောကြပါတယ်။ ပါမောက္ခကင်တားနားဟာ မူစလင်တွေဖက်က ဘက်လိုက်တယ်လို့ ဆိုကြပါတယ်။ တချို့ ကလည်း ပါမောက္ခကင်တားနားဟာ ဗမာ့ယဉ်ကျေးမှုကို နားမလည်း၊ မြန်မာ့ရိုးရာအစဉ်အလားကို သဘောမပေါက်၊ မြန်မာနိုင်ငံသမိုင်းကို မသိဘူး။ အခုအဖြစ်အပျက်တွေအပေါ်မှာ အပေါ်ယံလောက်ပဲကြည့်ပြီးတော့ မူစလင်တွေဘက်က ရပ်တည်နေတယ်လို့ ပြောဆိုနေကြပါတယ်။ ပါမောက္ခကင်တားနား ဘာများပြန်ပြောချင်ပါသလဲ။

ကင်တားနား ။ ။ ကျနော် ဒီတာဝန်ကို စတင်ထမ်းဆောင်တာ ၂၀၀၈ ခုနှစ်ကတည်းက ဖြစ်ပါတယ်။ အဲဒီအချိန်ဟာ ၂၀၀၇ ရွှေဝါရောင်တော်လှန်ရေး ဖြစ်ပြီးတော့ နောက်တနှစ်ဆိုတာကိုလည်း မမေ့သင့်ပါဘူး။ သံဃာတော်၊ သာမန်အရပ်သား ဗုဒ္ဓဘာသာမြန်မာတွေ အသတ်ခံရပြီးကာလပါ။ အဲဒီ ၂၀၀၈ မှာ ရောက်လာတော့ ကျနော်ဟာ အဖိနှိပ်ခံနေရသူ အားလုံးအတွက် ခုခံကာကွယ်မှုတွေ စလုပ်ပါတယ်။ အဲဒီအချိန်ကစပြီး ဒီနေ့အထိ ကျနော်ဟာ အဖိနှိပ်ခံ လူ့အသိုင်းအဝိုင်း အားလုံးအကျိုးအတွက် ဆောင်ရွက်ခဲ့တာပါ။

ဒါကြောင့်မို့ မြန်မာပြည်သူတွေအနေနဲ့ ကျနော် ဘာတွေလုပ်ဆောင်ခဲ့တယ်ဆိုတာကို မှန်မှန်ကန်ကန် သုံးသပ်နိုင်ကြဖို့ မျှော်လင့်ပါတယ်။ ဒါဟာ မနှစ်ကမှစပြီး လုပ်ခဲ့တာ မဟုတ်ပါဘူး။ ဒါဟာ ကျနော့်ရဲ့  ရပ်တည်ချက်ပါ။ နောက်တချက်က ကျနော်ဟာ တောင်အမေရိကတိုက်သားပါ။ အာဂျင်းတီးနားနိုင်ငံသားပါ။ ကျနော် အာဂျင်းတီးနားမှာ မူစလင်အသိုင်းအဝိုင်းလည်း မရှိပါဘူး။ ဗုဒ္ဓဘာသာအသိုင်းအဝိုင်းလည်း မရှိပါဘူး။ ဒါကြောင့် ကျနော့်အနေနဲ့ ဒီပြဿနာတွေမှာ တဖက်ဖက်ကို ဘက်လိုက်စရာအကြောင်း လုံးဝမရှိပါဘူး။ မြန်မာနိုင်ငံမှာ ဘာတွေဖြစ်ပျက်နေတယ်ဆိုတာ ကုလသမဂ္ဂအဖွဲ့ဝင်တွေ ဖြစ်ကြတဲ့ နိုင်ငံတကာအသိုင်းအဝိုင်းသိအောင် တင်ပြပေးဖို့သာ ဖြစ်ပါတယ်။ လူ့အသိုင်းအဝိုင်းတွေအားလုံး ခံစားနေရတဲ့ ဒုက္ခတွေကို အာရုံစိုက်ရပါတယ်။

ကျနော် ရန်ကုန်လေဆိပ်မှာ ထုတ်ပြန်ခဲ့တဲ့ ကြေညာချက်ကိုကြည့်ရင် ခင်များ တွေ့ပါလိမ့်မယ်။ ပြီးခဲ့တဲ့ အကြမ်းဖက်မှုတွေကြောင့် ရခိုင်လူ့အဖွဲ့အစည်း ဘယ်လိုဒုက္ခတွေ ရောက်ရတယ်။ ဘယ်လိုနစ်နာမှုတွေ ရှိခဲ့တယ်။ သူတို့အတွက် ဘယ်လိုမျိုး ဖွံ့ဖြိုးရေးတွေ လိုအပ်သလဲ။ နောက် သယံဇာတ မျှဝေခံစားခွင့် ရသင့်တယ်ဆိုတာကို အလေးထားတင်ပြထားတာကို တွေ့ရပါလိမ့်မယ်။ အလားတူစွာပဲ ပြီးခဲ့တဲ့ (၅) နှစ်လုံးလုံး ကျနော်ဟာ မြန်မာနိုင်ငံက လူ့အသိုင်းအဝိုင်းတွေအားလုံးအတွက် ဒါမျိုးတွေ လုပ်ဆောင်ခဲ့တယ်ဆိုတာ ထပ်ပြီးတော့ ပြောလိုပါတယ်။ ကရင်ပြည်နယ်၊ ကချင်ပြည်နယ်အားလုံးမှာ။ ဒီတကြိမ်မှာဆို အရင် ကုလသမဂ္ဂရဲ့  ဘယ်အရာရှိကြီးကမှ မသွားခဲ့ဘူးတဲ့ ချင်းပြည်နယ်ကိုပါ ရောက်အောင်သွားခဲပါတယ်။

http://burmese.voanews.com/content/article/1738361.html

ဘက်မလိုက်ဘူးဆိုတဲ့ ကုလ အထူးကိုယ်စားလှယ် (အပိုင်း နှစ်)
ဒီတပတ် မြန်မာ့အရေး သုံးသပ်ချက်အစီအစဉ်မှာ မြန်မာနိုင်ငံသွားရောက်ခဲ့တဲ့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် သောမတ်စ် အိုဟေး ကင်တားနား (Thomas Ojae Quintana) နဲ့ သူ့ခရီးစဉ်အတွင်း ကြုံတွေ့ခဲ့ရတာတွေနဲ့ ပတ်သက်လို့ ဦးကျော်ဇံသာ က ဆက်သွယ်မေးမြန်းထားတဲ့ ဆွေးနွေးခန်း ဒုတိယပိုင်းကို ဆက်လက်တင်ပြထားပါတယ်။

ဦးကျော်ဇံသာ ။ ။ ပါမောက္ခ ကင်တားနား မြန်မာနိုင်ငံမှာ ဒီတာဝန်ကို စတင် ထမ်းဆောင်ရတာ ၂၀၀၈ က,ဆိုတော့ အဲဒီထဲကစပြီးတော့ အခုနောက်ဆုံးရောက်ခဲ့တဲ့အချိန်အထိ ဒီကြားမှာ မြန်မာနိုင်ငံရဲ့  လူ့အခွင့်အရေး အခြေအနေ ယေဘုယျအားဖြင့် ဘယ်လောက် တိုးတက်ပြောင်းလဲလာပြီလဲဆိုတာ နည်းနည်းအကျဉ်းရုံးလေး ရှင်းပြပေးပါ။

ကင်တားနား ။ ။ အခုအခါမှာ အရပ်သားအစိုးရ ရှိနေပါပြီ။ ဒီ အရပ်သားအစိုးရဟာ လွတ်လပ်ပြီး၊ တရားမျှတတဲ့ ရွေးကောက်ပွဲနဲ့ တက်လာတာတော့ မဟုတ်ပါဘူး။ ဒါပေမဲ့ ဒီ အစိုးရဟာ မီဒီယာလွတ်လပ်ခွင့်၊ နိုင်ငံရေးအကျဉ်းသားတွေ လွှတ်ပေးတာတို့၊ ဆန္ဒပြစုဝေးခွင့်အတွက် အလားအလာရှိလာဖို့ စတဲ့ လူ့အခွင့်အရေးကိစ္စရပ်တွေမှာ ရှေ့ တိုးပြီးတော့ ဆောင်ရွက်နေပါတယ်။ တကယ့် ဒီမိုကရေစီ ပြည့်ဝတဲ့အဆင့် ရောက်ဖို့တော့ အချိန်ယူရအုံးမှာပါ။ တခြားတဖတ်မှာလည်း ဆန္ဒပြလို့ အဖမ်းခံရတာတွေ၊ နောက် မီဒီယာလွတ်လပ်ခွင့်ကို ထိပါးစေမယ့် ဥပဒေကြမ်းတခု ရှိနေတာ။ အရပ်ဖက်လူ့အဖွဲ့အစည်းတွေနဲ့ ပတ်သက်ပြီးတော့ ထိန်းချုပ်လိုတဲ့ ဥပဒေကြမ်းတခု ရှိနေတာကိုလည်း ကျနော်တို့အနေနဲ့ လက်မခံနိုင်ပါဘူး။ ကျနော့်တာဝန်ကတော့ မြန်မာနိုင်ငံအနာဂတ်အတွက် အကောင်းဆုံးဖြစ်အောင်လို့ လိုအပ်တာတွေကို အလေးထားထောက်ပြဖို့ ဖြစ်ပါတယ်။ ဒီအထဲမှာ တိုင်းရင်းသားလူမျိုးစုတွေနဲ့ တရားဝင်သဘောတူညီမှုတွေ ရရှိဖို့လည်း ပါဝင်ပါတယ်။ ပြည်တွင်းပဋိပက္ခဒဏ်ကို ခံစားလာရတဲ့ တိုင်းရင်းသားအောက်ခြေလူတန်းစားတွေအားလုံး လူမှု့အသိုင်းအဝိုင်း တိုးတက်မှုဖြစ်စဉ်မှာ ပါဝင်လာမှလည်း အခြေခံခိုင်မာပြီးတော့ လမ်းကြောင်းမှန်ကို ချီတက်နိုင်မှာ ဖြစ်ပါတယ်။

ဦးကျော်ဇံသာ ။ ။ ပါမောက္ခကင်တားနားတို့ရဲ့  အာဂျင်းတီးနားနိုင်ငံမှာလည်း တချိန်တုန်းက စစ်အာဏာရှင်စနစ်အောက်ကနေ ရုန်းထွက်လာခဲ့ရတာပဲ ဖြစ်ပါတယ်ဆိုတော့။ အဲဒီ အတိတ်ကာလက ခါးသီးတဲ့ဖြစ်ရပ်တွေကို ဘယ်လို ချုပ်ငြိမ်စေခဲ့သလဲဆိုတာကို နည်းနည်းရှင်းပြပါလား။

ကင်တားနား ။ ။ သိပ်မမကြာခင်ကပဲ မြန်မာနိုင်ငံမှာ ရှစ်ဆယ့်ရှစ် ဒီမိုကရေစီအရေးတော်ပုံ အထိမ်းအမှတ်တွေလုပ်တာ တွေ့ရပြီးတော့ ကျနော်ဟာ အကောင်းမြင်ပြီးတော့ တကယ့်အောင်မြင်မှု ရလာလိမ့်မယ်လို့ ယုံကြည်ခဲ့ရပါတယ်။ ဒီမိုကရေစီအတွက် နှစ်ရှည်လများ ရုန်းကန်လှုပ်ရှားလာခဲ့ရသူတွေဟာ အတိတ်ကဖြစ်ရပ်တွေကို ပြန်ပြောင်းကြည့်ရမှာပါ။ မြန်မာနိုင်ငံရဲ့  အတိတ်ဖြစ်ရပ်တွေဟာ အမြဲတမ်း ပြန်ပြန်ပေါ်လာမှာပါ။ မေ့ဖျောက်လို့ မဖြစ်နိုင်ပါဘူး။ ဒီနေရာမှာ ခွင့်လွှတ်ခြင်းက သိပ်အရေးကြီးပါတယ်။ ဗုဒ္ဓဘာသာ အလိုအရလည်း သိပ်အရေးကြီးတယ်ဆိုတာ ကျနော် နားလည်းပါတယ်။ ဒီနေရာမှာ လူထုအနေနဲ့လည်း နှစ်ပေါင်းများစွာ ခံစားခဲ့ရတဲ့ နာကျင်မှုတွေ၊ အနာကျပ်ဖို့ လိုအပ်ပါတယ်။ ဒါကြောင့်မို့ ၈၈ အထိမ်းအမှတ်လုပ်ရပ်မျိုး ဆက်လုပ်သွားဖို့ ကျနော် အားပေးတိုက်တွန်းလိုပါတယ်။ ကျနော်တို့ အာဂျင်းတီးနား အတွေ့အကြုံအရလည်း အတိတ်ကိုပြည်ကြည့်ပြီး သင်ယူရပါတယ်။ ရှေ့ တိုးမယ့်လမ်းအတွက် ခိုင်မာအောင်၊ ပြတ်သားအောင် လုပ်ရပြီးမှ နိုင်ငံကို ပြန်လည်တည်ဆောက်ခဲ့ကြတာပါ။ ဒါဟာ အာဂျင်းတီးနားက ရယူနိုင်တဲ့ သင်ခန်းစာပါ။ ကျနော်ဟာ ရှစ်လေးလုံးကာလအတွင်းက သေဆုံးခဲ့တဲ့ ကျောင်းသူလေး ဝင်းမော်ဦးရဲ့  မိဘတွေနဲ့လည်း တွေ့ခဲ့ပါတယ်။ သူတို့ဟာ သာမန်လူတွေပါ။ ဒါပေမဲ့ သူတို့သမီးလေးဟာ ဒီမိုကရေစီအတွက် ဘယ်လောက်အထိ ခိုင်ခိုင်မာမာ ရပ်တည်သွားတဲဆိုတာ ပြောတဲ့နေရာမှာတော့ အာမာန်အပြည့်နဲ့ တက်တက်ကြွကြွ ရှိကြပါတယ်။ ဒီလိုပဲ အတိတ်ဖြစ်ရပ်ကို ပြန်ပြောရ၊ သုံးသပ်ကြရပါလိမ့်မယ်။ ကြောက်နေစရာ၊ ရှက်နေစရာ မလိုပါဘူး။ ဒါတွေဟာ ပြည်သူတွေရဲ့  ဘဝအစိတ်အပိုင်းတခု ဖြစ်သလိုပဲ၊ နိုင်ငံရဲ့  သမိုင်းလည်း ဖြစ်ပါတယ်။

ဦးကျော်ဇံသာ ။ ။ ဒါပေမဲ့ မစ္စတာကင်တားနား ခင်မျာ … အဲဒီလို ရက်စက်မှုကို ကျူးလွန်ခဲ့ကြတဲ့ သူတွေက သူတို့ နှောင်တရကြလို့လား။ ဒီကိစ္စမှာ။

ကင်တားနား ။ ။ ပြစ်မှုကျူးလွန်သူတွေကို တချိန်ချိန်မှာ ဖော်ထုတ်ရမှာပါ။ ဒါဟာ ဒီဖြစ်စဉ် ဘယ်အထိ ရောက်နေပြီလဲဆိုတာ နိုင်ငံရေးအင်အားစုတွေရဲ့  အခြေအနေပေါ် မူတည်ပြီးတော့ တချိန်ချိန်မှာတော့ ဖြစ်ပေါ်လာမှာပါ။ ဒါပေမဲ့ အရေးကြီးတာက ဘာတွေဖြစ်ခဲ့တယ်ဆိုတာကို အရင်ပြောကြရမှာပါ။ ထိမ်ချန်ထားလို့ မရပါဘူး။

ဦးကျော်ဇံသာ ။ ။ အခု မြန်မာနိုင်ငံမှာ ဒီမိုကရေစီနဲ့ လူ့အခွင့်အရေးအတွက် ပြုပြင်ပြောင်းလဲမှုတွေ ရှေ့ ကို တိုးဖို့အတွက် အဓိက စိန်ခေါ်နေတဲ့ အဟန့်အတားက ဘာလို့ ထင်ပါသလဲ။

ကင်တားနား ။ ။ အခု အရပ်သားအစိုးရလက်ထက်မှာ အရပ်ဖက်လူမှု့အဖွဲ့အစည်းတွေကို နေရာတကာ ပါဝင်ခွင့်ပြုလာတာ အပါအဝင် ပွင့်လင်းမှုတွေ အများကြီးတွေ့လာရပါတယ်။ ဒါဟာ သိပ်ကောင်းတဲ့ အလားအလာပါ။ ဒါကို ဆက်လုပ်သွားရမှာပါ။ ဒီနေရာမှာ ကျနော့်ရဲ့  စိုးရိမ်မှုကတော့ အရပ်ဖက်အဖွဲ့အစည်းတွေရဲ့  လုပ်ဆောင်ချက်တွေနဲ့ ပတ်သက်တဲ့ ဥပဒေကြမ်းမှာ လွှတ်တော် အခုရောက်နေပါတယ်။ ဒီ ဥပဒေကြမ်းဟာ အရပ်ဖက်အဖွဲ့အစည်းတွေရဲ့  လှုပ်ရှားမှု၊ ဖွဲ့စည်းမှုတွေကို ကန့်သတ်မယ့်သဘော တွေ့နေရပါတယ်။ အစိုးရအနေနဲ့ အရပ်ဖက်လူ့အဖွဲ့အစည်းတွေရဲ့  သဘောထားကို နားထောင်သင့်ပါတယ်။ သူတို့ကို အလေးထားပြီးတော့ အားပေးဖို့ လိုပါတယ်။ ဒီ အရပ်ဖက်လူ့အဖွဲ့အစည်းတွေ ဖွဲ့စည်းဖို့အရေးကို မှတ်ပုံတင်ရမယ်ဆိုပြီးတော့ မကန့်သတ်သင့်ဘူးလို့ ထင်ပါတယ်။

ဦးကျော်ဇံသာ ။ ။ အခု မြန်မာနိုင်ငံမှာ ဖြစ်နေတဲ့ ဘာသာရေး အခြေခံတဲ့ လူမှုရေးပဋိပက္ခတွေနဲ့ ပတ်သက်လို့ မစ္စတာကင်တားနား ဘယ်လိုသဘောရပါသလဲ။ တချို့ က ဗုဒ္ဓဘာသာ ဘုန်းတော်ကြီးတချို့  ဟောပြောနေတဲ့ တရားတွေဟာ အမုန်းတရားတွေ ဖြစ်တယ်လို့လည်း ဆိုနေကြပါတယ်။ မစ္စတာကင်တားနားရဲ့  သဘောထားကိုလည်း သိပါရစေ။ ဒီကိစ္စမှာ မစ္စတာကင်တားနား က ဒီဟောပြောနေတဲ့ တရားတွေဟာ အမုန်းတရားတွေဖြစ်တယ်ဆိုတာကို သဘောတူပါသလား။

ကင်တားနား ။ ။ ပထမဦးဆုံးက ဘာသာရေးအသိုင်းအဝိုင်း၊ ဗုဒ္ဓဘာသာအသိုင်းအဝိုင်းတချို့ ရဲ့  အမြင်တွေ၊ ခံစားချက်တွေကို ကျနော်တို့ နားလည်းသဘောပေါက်ဖို့ လိုအပ်ပါလိမ့်မယ်။ ဗုဒ္ဓဘာသာအသိုင်းအဝိုင်းတချို့ ဟာ ကျန်ဘာသာရေး အသိုင်းအဝိုင်းတွေ ကြီးထွားလာတာကို စိုးရိမ်မကင်း ဖြစ်နေကြပါတယ်။ ဒါကို ထည့်သွင်းစဉ်းစားကြရမှာပါ။ ကျနော်တို့ နားထောင်ဖို့ လိုအပ်ပါတယ်။ ပြဿနာက ဒီသဘောထား ခံစားချက်တွေဟာ ကျန်ဘာသာဝင်တွေကို ဆန့်ကျင်မုန်းတီးအောင် လှုံဆော်မှုတွေ ဖြစ်လာတဲ့အခါမှာ အကြမ်းဖက်မှုတွေအထိ ဖြစ်ပွါးလာခြင်းပါ။ အဲဒီအခါမှာ သာမန်ပြည်သူတွေဟာ အကြမ်းဖက်မှုဒဏ်ကို ခံကြရပါတယ်။ ဗုဒ္ဓဘာသာဝင် သာမန်ပြည်သူတွေ၊ မူစလင်သာမန်ပြည်သူတွေပါ ခံစားကြရတာပါ။ ဒီအချက်ဟာ သိပ်အရေးကြီးတဲ့ အချက်ပါ။ အလားအလာကောင်းမွန် တိုးတက်မှုရှိတဲ့ ဗုဒ္ဓဘာသာအသိုင်းအဝိုင်းတချို့ ကို ကျနော် မြန်မာနိုင်ငံမှာ တွေ့ခဲ့ရပါတယ်။ စိုးရိမ်ဖွယ် ရှိသေးတယ်လို့ ဆိုရမယ့် အသိုင်းအဝိုင်းတချို့ လည်း တွေ့ခဲ့ပါတယ်။ မြန်မာနိုင်ငံဟာ ဒီကြားကာလကို ဘယ်လိုဖြတ်ကျော်နိုင်မလဲဆိုတာဟာ စိမ်ခေါ်မှုတရပ်ပါ။ တဖက်နဲ့တဖက် ပဋိပက္ခကို ရှောင်လွှဲပြီး ဘယ်လိုပြေလည်အောင် ဆောင်ရွက်မလဲဆိုတာ စိမ်ခေါ်မှုပါ။

ဦးကျော်ဇံသာ ။ ။ ဒါ့အပြင် အဲဒီလို ဗုဒ္ဓဘာသာအသိုင်းအဝိုင်းတချို့ က ဦးဆောင်ပြီးတော့ ဗုဒ္ဓဘာသာအမျိုးသမီးတွေ မူစလင်ဘာသာဝင်တွေနဲ့ လက်ထပ်ထိမ်းမြားရေးကိစ္စကို ကန့်သတ်တဲ့ ဥပဒေကြမ်းတခု လွှတ်တော်မှာ တင်သွင်းဖို့ ကြိုးပမ်းနေကြတယ်လို့ သိရပါတယ်။ ဒီဟာကို ထောက်ခံမယ့်လူတွေရဲ့  လက်မှတ်ကို စုဆောင်နေတာလည်း လက်မှတ်ပေါင်း နှစ်သန်းကျော် ရပြီလို့ ဆိုကြပါတယ်။ တချို့ ကလည်း ဒီ ဥပဒေမျိုးကို ကန့်ကွက်သင့်တယ်လို့ ပြောနေကြပါတယ်။ မစ္စတာကင်တားနားက ဒီကိစ္စကို ကန့်ကွက်လိုပါသလား။

ကင်တားနား ။ ။ ဘာသာတရားတိုင်းဟာ သူတို့ရဲ့  မူဝါဒကို သူတို့ဘာသာ ချမှတ်ပိုင်ခွင့်ရှိတယ်လို့ ကျနော်ထင်ပါတယ်။ ဗုဒ္ဓဘာသာဝင်တွေက သူတို့အမျိုးသမီးတွေ ဘာသာခြားကို လက်မထပ် စေချင်ဘူးဆိုရင်လည်း ဒါ သူတို့ရဲ့  ဆန္ဒပါ။ သူတို့သဘောနဲ့ သူတို့ပါ။ ကျနော်တို့က လေးစားရမှာပါ။ ဒီနေရာမှာ လူ့အခွင့်အရေး သံတမန်တယောက်အနေနဲ့ ကျနော် စိုးရိမ်တာကတော့ ဒီလိုမျိုး မူဝါဒမျိုးကို အစိုးရက လိုက်နာကျင့်သုံးနေသလားဆိုတဲ့ အချက်ပဲ ဖြစ်ပါတယ်။ ဒီကိစ္စနဲ့ ပတ်သက်ပြီးတော့ လူ့အခွင့်အရေး ရှုထောင့်က မေးရမယ့် မေးခွန်းကတော့ ဖွဲ့စည်းပုံဥပဒေနဲ့လည်း ပတ်သက်နေပါတယ်။ ဒီကိစ္စမျိုး ပါလီမန်မှာ ဆွေးနွေးကြတဲ့အခါ အစိုးရက ဘယ်လောက် ပါဝင်ချယ်လှယ်သလဲဆိုတာပါ။ ဘာသာခြားကို လက်မထပ်ရဘူးဆိုတာ ဘာသာရေးအုပ်စုတခုစီနဲ့ ဆိုင်ပါတယ်။ ဒါပေမဲ့ ပြည်သူတရပ်လုံးနဲ့ ပတ်သက်လာတဲ့အခါမှာတော့ အခြေအနေက နောက်တမျိုးပါ။ အစိုးရရဲ့  ပယောဂ မပါစေသင့်ပါဘူး။

ဦးကျော်ဇံသာ ။ ။ ဆိုတော့ လူအများစုရဲ့ ဆန္ဒနဲ့အညီ ပါလီမန်က ဆုံးဖြတ်တယ်ဆိုရင်တော့ ဘာမှ ပြောစရာမရှိဘူးဆိုတဲ့ သဘောပေါ့။

ကင်တားနား ။ ။ မှန်ပါတယ်။ ပါလီမန်ဆိုတာ လူထုသဘောဆန္ဒကို ကိုယ်စားပြုပါတယ်။ ဒါပေမဲ့ ဒီလူထုသဘောထားက ဖွဲ့စည်းပုံဥပဒေကိုတော့ မကျော်လွှာသင့်ပါဘူး။ ဖွဲ့စည်းပုံဆိုတာ မြန်မာပြည်ကို ဘယ်လို ဖွဲ့စည်းတည်ထောင်မယ်ဆိုတာ ဗဟိုပြုထားတဲ့ ပင်မ ဥပဒေပါ။ ဒါကြောင့် တဖတ်မှာတော့ ပါလီမန်က ခင်များ ပြောသလို လူထုဆန္ဒကို ကိုယ်စားပြုပါတယ်။ လူထုရဲ့ ဆန္ဒကို ဥပဒေဖြစ် ပေးဖေါ်ရပါတယ်။ ဒီနေရာမှာ ခင်များ ပြောတာမှန်ပါတယ်။ ဒါပေမဲ့ တခြားတဖက်မှာတော့ ပါလီမန်က ပြဌာန်းတဲ့ ဥပဒေတိုင်းဟာ အခြေခံဥပဒေနဲ့ ကိုက်ညီဖို့ လိုအပ်ပါတယ်။ ဒီလိုမှမဟုတ်ရင် ဖွဲ့စည်းပုံနဲ့ တလွှဲတခြားဆီ ဖြစ်သွားပါလိမ့်မယ်။

ဦးကျော်ဇံသာ ။ ။ ဒါပေမဲ့ အခု မြန်မာနိုင်ငံမှာ ကျင့်သုံးနေတဲ့ ၂၀၀၈ ဖွဲ့စည်းပုံဥပဒေကိုယ်၌က အငြင်းပွားစရာ controversial ဖြစ်မနေဘူးလား။

ကင်တားနား ။ ။ ခင်များပြောတာ မှန်ပါတယ်။ ဒီ ဖွဲ့စည်းပုံကို လက်မခံတဲ့ လူတစ်စု ရှိပါတယ်။ ဒါဟာ ၂၀၀၈ မှာ ဆန္ဒခံယူပွဲနဲ့ အတည်ပြုပေးခဲ့ပါတယ်။ ကျနော် အဲဒီတုန်းက ဒီတာဝန်ယူထားပြီးပါပြီ။ ကျနော့်အမြင်အရ ဒီဆန္ဒ ခံယူပွဲက လွတ်လပ်မှု၊ တရားမျှတမှု မရှိပါဘူး။ ဒါပေမဲ့ ပိုပြီးတော့ တိတိကျကျ ပြောရမယ်ဆိုရင်တော့ အဲဒီ ခင်များပြောတဲ့ အငြင်းပွားမှု ဖြစ်နေတဲ့ အစိတ်အပိုင်းက ဒီဘာသာရေး ပြဿနာနဲ့ အဆက်အစပ်မရှိပါဘူး။ နိုင်ငံသား မည်သူမဆို သမ္မတ ဖြစ်နိုင်သလား။ ဥပမာ ဒေါ်အောင်ဆန်းစုကြည်လို ပုဂ္ဂိုလ်တွေကို ကန့်သတ်ထားသလား။ စစ်တပ်ရဲ့  အခန်းကဏ္ဍနဲ့ ပတ်သက်တဲ့ ပြဌာန်းချက် စတဲ့ ပြဿနာတွေသာ ဖြစ်ပါတယ်။ ဘာသာရေးကိစ္စနဲ့တော့ ဘာမှမဆိုင်ပါဘူး။

ဦးကျော်ဇံသာ ။ ။ အခုတကြိမ် မစ္စတာကင်တားနား မြန်မာနိုင်ငံကိုရောက်တော့ မြန်မာနိုင်ငံမှာ ဖွဲ့စည်းထားတဲ့ မြန်မာ့လူ့အခွင့်အရေး ကော်မရှင်ဆိုတာကိုရော သီးခြားလွတ်လပ်မှုရှိတဲ့ အဖွဲ့အစည်းတခုအဖြစ် ပီပီပြင်ပြင် ပေါ်နေပြီလား။ သို့တည်းမဟုတ် အစိုးရသြဇာလက်အောက်မှာပဲ ရှိနေသေးလား။

ကင်တားနား ။ ။ အစိုးရရဲ့  သြဇာလွှမ်းမိုးလက်အောက်မှာပဲ ရှိနေဆဲဖြစ်ပါတယ်။ ကော်မရှင်အဖွဲ့ဝင်တွေကိုယ်၌က သူတို့ဟာ ဖွဲ့စည်းပုံအရ လွတ်လပ်တဲ့အဖွဲ့အစည်း မဟုတ်သေးဘူးဆိုတာကို အသိအမှတ်ပြုပြီ ဖြစ်ပါတယ်။ ပိုပြီးတော့ လွတ်လပ်တဲ့အဖွဲ့တခု ဖြစ်လာအောင် ဥပဒေတရပ် အဆိုပြုဖို့ ပြင်ဆင်ကြမယ်လို့လည်း ဆိုပါတယ်။ ဒီအဆင့်မှာပဲ သူတို့ ဆောင်ရွက်နေကြတာ အများကြီး ရှိနေပါတယ်။ ကျနော်တို့ အားပေးသင့်ပါတယ်။

ဦးကျော်ဇံသာ ။ ။ နောက်ဆုံးမေးချင်တာကတော့ မစ္စတာကင်တားနား မြန်မာနိုင်ငံကို ဘယ်တော့ ပြန်သွားအုံးမလဲ။

ကင်တားနား ။ ။ ၂၀၁၄ ဖေဖေါ်ဝါရီလလောက်မှာ ပြန်သွားနိုင်ဖို့ မျှော်လင့်ပါတယ်။ အဲဒါဟာ ကျနော့်ရဲ့  နောက်ဆုံးခရီး ဖြစ်ပါလိမ့်မယ်။ မတ်လကျရင် ဂျီနီးဗားနဲ့ ကုလသမဂ္ဂတို့ကို သွားပြီးတော့ နောက်ဆုံး အစီရင်ခံစာ တင်သွင်းရတော့မှာ ဖြစ်ပါတယ်။ ခြောက်နှစ်ကြာ တာဝန်ယူပြီးတော့ တင်သွင်းရမယ့် နောက်ဆုံး အစီရင်ခံစာပါ။

ဦးကျော်ဇံသာ ။ ။ ဒီအပြင် ထပ်ပြီးတော့ နောက်ထပ်သက်တမ်း မတိုးတော့ဘူးလား။

ကင်တားနား ။ ။ မတိုးတော့ပါဘူး။ တနှစ်တကြိမ် သက်တမ်းတိုးလာတာ ခြောက်ကြိမ်ပဲ တိုးခွင့်ရှိပါတယ်။

http://burmese.voanews.com/content/news-analysis-interview-with-mr-quintana/1742827.html