Call စကားလုံးဆိုင်ရာ အီဒီယံအသုံးအနှုန်းများ

ဒေါ်လှလှသန်း

http://burmese.voanews.com/content/english-learning-07-09-2012-161864055/1416971.html

Last updated at: 17.07.2012 08:59

ဒီတပတ် English Learning: America Idioms and Expressions ကဏ္ဍမှာ ခေါ်သည် (call) အခြေခံတဲ့  အီဒီယံအသုံးအနှုန်းများဖြစ်တဲ့ too close to call, call the shot နဲ့ call it quits တို့ကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းမှာ too close to call ဖြစ်ပါတယ်။ Too = လွန်ကဲမှုကို ပြသသည့် အဓိပ္ပါယ်, Close = နီးကပ်သော --> Too close = သိပ်နီးကပ်သော, Call = ခေါ်သည် တို့ဖြစ်ကြပြီး စကားစုတခုလုံးရဲ့ 

တိုက်ရိုက်အဓိပ္ပါယ်ကတော့ ခေါ်ဖို့ရာ သိပ်နီးကပ်သည် ဖြစ်ပါတယ်။ အီဒီယံဆိုတဲ့ အဓိပ္ပါယ်က ရွေးကောက်ပွဲ၊ ယှဉ်ပြိုင်ပွဲတခုခုမှာ ယှဉ်ပြိုင်သူနှစ်ဦးကြား ဒါမှမဟုတ် နှစ်သင်းကြား ဘယ်သူကနိုင်မယ်၊ ဘယ်အသင်းက နိုင်မယ်ဆိုတာကို

အသေအချာပြောနိုင်ဖို့ ခက်ခဲတဲ့အခြေအနေမျိုး၊ မလွယ်တဲ့အခြေအနေမျိုးမှာ ဒီအသုံးကို ရည်ညွှန်းသုံးနိုင်ပါတယ်။ ဒီအသုံး ဆင်းသက်လာတာကတော့ အားကစားပွဲက ဖြစ်ပါတယ်။ အခုနောက်ပိုင်းမှာတော့ ရွေးကောက်ပွဲတွေမှာ တဖက်နဲ့တဖက်

အနိုင်ရတဲ့မဲက သိပ်ကပ်နေတဲ့အတွက် ပြတ်ပြတ်သားသား သိနိုင်အောင် run-off ဆိုတဲ့ အနိုင်အရှုံး၊ အဆုံးအဖြတ်ပေးတဲ့ နောက်ဆုံးယှဉ်ပြိုင်ပွဲကို ကျင်းပတာမျိုး ရွေးကောက်ပွဲသတင်းတွေမှာ ကြားဘူးကြမှာပါ။

Too close to call အသုံးနဲ့ ပတ်သက်လို့ George Crows ပေးတဲ့ဥပမာကို လေ့လာကြည့်ရအောင်ပါ။

The football game was too close to call as both teams kept scoring goals. Only at the last minute the home team won with two straight goals.
ဘောလုံးပွဲက နှစ်ဖက်စလုံးက ဂိုးတွေကန်သွင်းနေတော့ ဘယ်အသင်းနိုင်မယ်ဆိုတာကို ပြောရအလွန်ခက်နေခဲ့တယ်။ နောက်ဆုံးအချိန်ရောက်မှ အ်ိမ်ရှင်အသင်းဖက်က (၂) ဂိုးဆက်တိုက်သွင်းပြီး အနိုင်ရသွားခဲ့တယ်။

ဒုတိယတင်ပြပေးမယ့် အသုံးအနှုန်းမှာ call the shot ဖြစ်ပါတယ်။ Call = ခေါ်သည်, Shot = ပစ်ခတ်ခြင်း တို့ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်က ပစ်ခတ်မှုအတွက် အော်ပေးတာ၊ ခေါ်ပေးတာ ဖြစ်ပါတယ်။

ဒီအသုံးဆင်းသက်လာတာကတော့ သေနတ်ပစ် လေ့ကျင့်ရာက ဖြစ်ပါတယ်။ လူတဦးက ဘေးကအော်ပေးလိုက်တာနဲ့ သေနတ်ပစ်တဲ့လူက လိုက်ပစ်ရတဲ့၊ ပစ်မှတ်ကို လေ့ကျင့်ပြီးပစ်တဲ့ အနေအထားမျိုးကို ဆိုလိုခြင်း ဖြစ်ပါတယ်။ ဒါကြောင့်မို့ တဖက်ကအော်သူကအော်မှ ပစ်သူကလိုက်ပစ်ရတာမို့ call the shot ရဲ့  အီဒီယံအဓိပ္ပါယ်က ခေတ်စကားအရတော့ လိုအပ်သည်များကို ညွှန်းကြားတာကို ဆိုလိုခြင်းဖြစ်ပါတယ်။ တနည်းတော့ အာဏာရှိသူ၊ လွမ်းမိုးနိုင်သူ၊ ပြောနိုင်ဆိုနိုင် အားရှိသူ၊ အဆုံးအဖြတ်ပေးတဲ့ ရာထူးတွေမှာ ထမ်းဆောင်ရသူတွေရဲ့  လုပ်ပိုင်ခွင့်ရှိတာမျိုးကို ဆိုလိုတာဖြစ်ပါတယ်။

Call the shot အသုံးနဲ့ ပတ်သက်လို့ George Crows ပေးတဲ့ဥပမာကို လေ့လာကြည့်ရအောင်ပါ။

In my family, my wife calls the shot. She makes most of the decisions.
ကျနော်တို့ မိသားစုမှာ ကျနော့်ဇနီးက အာဏာအရှိဆုံးဖြစ်တယ်။ ဆုံးဖြတ်ချက်အများစုကို သူကပဲဆုံးဖြတ်လေ့ရှိတယ်။

နောက်ဆုံးတင်ပြပေးမယ့် အသုံးအနှုန်းမှာ call it quits ဖြစ်ပါတယ်။ Call = ခေါ်သည်, It = တခုခုကို ရည်ညွှန်းတဲ့ နာမ်စား, Quits = အဆုံးသတ်၊ နိဂုံးချုပ် ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ အဆုံးသတ်ဖို့ ခေါ်လိုက်သည် ဖြစ်ပါတယ်။ အီဒီယံဆိုတဲ့ သွယ်ဝိုက်အဓိပ္ပါယ်ကလည်း ရှင်းပါတယ်။ တခုခုကို ဆက်မလုပ်ဖို့ ဆုံးဖြတ်လိုက်ခြင်း ဖြစ်ပါတယ်။ အိမ်ထောင်ရေးမှာလည်း call it quits ဆိုရင် အိမ်ထောင်ပြတ်ဆဲဖို့၊ လင်မယားကွဲရှင်းဖို့ ဆုံးဖြတ်လိုက်တာ။ ဒီဘဝ ဒီမျှနဲ့သာလို့ ဆုံးဖြတ်လိုက်ခြင်း ဖြစ်ပါတယ်။

Call it quits အသုံးနဲ့ ပတ်သက်လို့ George Crows ပေးတဲ့ဥပမာကို လေ့လာကြည့်ရအောင်ပါ။

The loud noise is bothering us. So, let's call it quits for now.
အသံဆူတာကြောင့် အနှောက်အယှက် ဖြစ်တယ်ဗျာ။ ဒါကြောင့် အခုလောလောဆယ်တော့ ဆက်မလုပ်ဘဲ ရပ်လိုက်ကြရအောင်။